Öryggisatriði
Lesið þessar einföldu leiðbeiningar. Sé þeim ekki fylgt getur
það verið hættulegt eða varðað við lög. Lesa skal alla
notendahandbókina til að fá nánari upplýsingar.
ÖRYGGI ÞEGAR KVEIKT ER Á TÆKINU. Ekki
má kveikja á tækinu þar sem notkun þráðlausra
síma er bönnuð eða þar sem hún kann að valda
truflunum eða hættu.
UMFERÐARÖRYGGI GENGUR FYRIR. Fara
skal að öllum staðbundnum lögum. Ætíð skal
hafa hendur frjálsar til að stýra ökutækinu við
akstur. Umferðaröryggi skal ganga fyrir í akstri.
TRUFLUN. Öll þráðlaus tæki geta verið næm
fyrir truflunum, sem getur haft áhrif á virkni
þeirra.
SLÖKKT SKAL Á SÍMANUM Á
SJÚKRASTOFNUNUM. Virða skal allar
takmarkanir. Slökkva skal á tækinu nálægt
lækningabúnaði.
HAFA SKAL SLÖKKT Á SÍMANUM Í
FLUGVÉLUM. Virða skal allar takmarkanir.
Þráðlaus tæki geta valdið truflunum í
flugvélum.
SLÖKKT SKAL Á SÍMANUM ÁÐUR EN
ELDSNEYTI ER TEKIÐ Ekki nota tækið nærri
eldsneytisdælu. Notist ekki í námunda við
eldsneyti eða sterk efni.
SLÖKKVA SKAL Á SÍMANUM ÞAR SEM
VERIÐ ER AÐ SPRENGJA Virða skal allar
takmarkanir. Ekki nota tækið þar sem verið
er að sprengja.
NOTIST AF SKYNSEMI Notist aðeins
í hefðbundinni stöðu eins og lýst er í
leiðbeiningum með vörunni. Forðast
skal óþarfa snertingu við loftnetið.
VIÐURKENND ÞJÓNUSTA Aðeins viðurkennt
starfsfólk má setja upp eða gera við þessa vöru.
AUKAHLUTIR OG RAFHLÖÐUR Aðeins
má nota samþykkta aukahluti og rafhlöður.
Ekki má tengja saman ósamhæf tæki.
VATNSHELDNI Tækið er ekki vatnshelt.
Halda skal því þurru.
ÖRYGGISAFRIT Muna skal að taka
öryggisafrit eða halda skrá yfir allar
mikilvægar upplýsingar sem geymdar
eru í tækinu.
8
TENGING VIÐ ÖNNUR TÆKI Þegar tækið
er tengt öðru tæki skal lesa notendahandbók
með því vandlega, einkum upplýsingar um
öryggi. Ekki má tengja saman ósamhæf tæki.
NEYÐARSÍMTÖL Tryggja skal að kveikt sé
á símaaðgerðum tækisins og þær séu virkar.
Takkaborðið er aðeins virkt þegar flipinn er uppi.
Ýta skal á endatakkann eins oft og þarf til að
hreinsa skjáinn og fara aftur í biðstöðu. Sláðu
inn neyðarnúmerið og ýttu á hringitakkann.
Gefa skal upp staðarákvörðun. Ekki má slíta
símtali fyrr en að fengnu leyfi til þess.
Um tækið
Þráðlausa tækið sem lýst er í handbókinni er samþykkt
til notkunar í EGSM 900, 1800, 1900 og UMTS 2100
símkerfunum. Þjónustuveitan gefur nánari upplýsingar
um símkerfi.
Við notkun þessa tækis skal hlíta öllum lögum og virða
staðbundnar venjur, einkalíf og lögmæt réttindi annarra,
þ.m.t. höfundarrétt.
Höfundarréttarvarnir geta komið í veg fyrir að hægt sé að
afrita, breyta, flytja eða framsenda myndir, tónlist (þ.m.t.
hringitóna) og annað efni.
Tækið styður internettengingar og aðrar tengiaðferðir.
Líkt og með tölvur geta vírusar, skaðleg skilaboð og forrit,
ásamt öðru skaðlegu efni haft áhrif á tækið. Gæta skal
varúðar og aðeins opna skilaboð, samþykkja tengibeiðnir,
hlaða niður efni og samþykkja uppsetningar frá traustum
aðilum. Til að auka öryggi tækisins ættir þú að hugleiða að
setja upp vírusvarnarbúnað með uppfærsluþjónustu og
nota eldvegg.
Viðvörun: Við notkun allra aðgerða í þessu tæki,
annarra en vekjara, þarf að vera kveikt á tækinu. Ekki
skal kveikja á tækinu þegar notkun þráðlausra tækja
getur valdið truflun eða hættu.
Þetta tæki styður helstu aðgerðir Microsoft Word,
PowerPoint og Excel (Microsoft Office 97, 2000, XP
og 2003). Ekki er hægt að skoða eða breyta öllum
skráargerðum.
Þegar tækið er í notkun, t.d. þegar verið er að samnýta
hreyfimyndir eða háhraðatenging er virk, getur það hitnað.
Slíkt er yfirleitt eðlilegt. Ef grunur leikur á að tækið vinni
ekki rétt skal fara með það til næsta viðurkennda
þjónustuaðila.
Tækið kann að innihalda bókamerki eða tengla sem
veita aðgang að síðum þriðju aðila sem tengjast ekki
Nokia. Nokia hvorki hvetur til né tekur ábyrgð á þessum
síðum. Ef valið er að heimsækja þessar vefsíður skal beita
sömu öryggisráðstöfunum og fyrir allar aðrar vefsíður.
9
Sérþjónusta
Til að hægt sé að nota símann verður áskrift að
þjónustuveitu fyrir þráðlausa síma að vera fyrir hendi.
Margir af valkostum símans flokkast undir sérþjónustu.
Ekki er hægt að nota þessa valkosti í öllum símkerfum.
Í öðrum símkerfum kann jafnframt að vera farið fram á
sérstaka skráningu fyrir þessari þjónustu. Leiðbeiningar
ásamt upplýsingum um gjald fyrir þjónustuna fást hjá
þjónustuveitu. Sum símkerfi kunna að hafa takmarkanir
sem hafa áhrif á hvernig hægt er að nota sérþjónustu.
Sum símkerfi styðja t.d. ekki alla séríslenska bókstafi og
þjónustu.
Þjónustuveitan kann að hafa beðið um að tilteknar
aðgerðir væru hafðar óvirkar eða ekki gerðar virkar í
tækinu. Ef svo er birtast þær ekki í valmynd tækisins. Tækið
kann einnig að hafa verið sérstillt, t.d. kann heitum, röð og
táknum valmynda að hafa verið breytt. Þjónustuveitan
gefur nánari upplýsingar.
Þetta tæki styður WAP 2.0 samskiptareglur (HTTP og SSL)
sem keyra á TCP/IP samskiptareglum. Fyrir sumar aðgerðir
í tækinu, eins og MMS, netskoðun, tölvupóst og niðurhal
efnis um vafra eða með MMS, þarf símkerfisstuðning við
viðkomandi tækni.
Upplýsingar um framboð og notkun SIM-korta má fá hjá
seljanda SIM-kortsins. Þetta getur verið þjónustuveitan
eða annar söluaðili.
Aukahlutir, rafhlöður
og hleðslutæki
Alltaf skal slökkva á tækinu og aftengja hleðslutækið áður
en rafhlaðan er fjarlægð.
Athuga ber tegundarnúmer hleðslutækja áður en þau eru
notuð með þessu tæki. Þetta tæki er ætlað til notkunar
þegar það er hlaðið orku frá DC-4, AC-3, og AC-4
hleðslutækjum og AC-1, ACP-7, ACP-8, ACP-9, ACP-12,
LCH-8, LCH-9, eða LCH-12 hleðslutækjum þegar þau eru
notuð með millistykkinu CA-44.
Þetta tæki er ætlað til notkunar með BP-6M rafhlöðu.
Viðvörun: Aðeins skal nota rafhlöður, hleðslutæki
og aukahluti sem Nokia hefur samþykkt til nota með
þessari tilteknu tegund. Ef notaðar eru aðrar gerðir
gæti öll ábyrgð og samþykki fallið niður og slíkri
notkun getur fylgt hætta.
Seljandi símans veitir upplýsingar um fáanlega aukahluti
sem samþykktir eru til notkunar. Þegar aukahlutur er
tekinn úr sambandi skal taka í klóna, ekki leiðsluna.